“ 點解要 Crop Mark 同 Bleed ？”

首先要知道印刷係有白邊，即係做唔到用張A3紙印翻張貼晒邊嘅A3圖像岀黎。所以無論你要印咩size都要用張比佢大嘅紙去印，再cut out先會得到一張貼邊又啱size嘅print out。

而由於機器會有誤差，每次印刷嘅圖像位置都有可能有偏差，成疊去裁切後就會岀現某幾張有白邊嘅情況。

所以避免依個情況岀現，就要係file做Bleed同Cropmark。

Bleed – 岀血位，指圖像延伸岀邊框外面嘅位置。當你做稿時，要將貼邊嘅圖像/背景拉大少少岀artboard外，通常3mm。係比印刷位置/裁切誤差嘅 “走盞位”。

Cropmark – 裁切線，位於岀血位外，用作裁切對位用。線延伸框住位置就係實際成品。

Bleed 同 Cropmark 非常重要，缺一不可。對成品完成度有好大影響。如果無做，成品一係有白邊，一係就要cut入d最後唔啱size。

Adobe Illustrator / InDesign export PDF 都有自動岀埋Cropmark + Bleed 嘅功能，詳細之後我地會再岀教學分享比大家。