“ A6係幾大張？A5又係幾大張? ”

經營 PRINTING ROOM 經常聽到嘅問題，其實好簡單拎起手邊嘅紙就會搵到答案，所以第一段教學要講嘅係 Paper Size 。

我地日常用嘅紙張 Size 係跟國際標準ISO 216，入面分別介定左 A, B, C 三組尺寸，每個組入面再有 1- 10 十個尺寸。而我地最常用既“ A4紙 ”就係 “ A ”組入面嘅 “ 4 ”號尺寸。

喺依個 standard 入面，數字越細，尺寸越大，即係A5係細過A4，而細幾多正正係半張A4。簡單講就係A4對摺就係A5，再摺就係A6如此類推。反之亦言兩張A4就係一張A3，四張A4就係一張A2。

所以只要你手邊有封信 / 文件 / 影印紙等等，你只要用 拼 / 摺嘅方法或者想像下就會知道哂 A0 – A10 既大概SIZE，唔洗每次拎把間尺就可以有個大概概念。

—— Pantone 不是一種色，A4 唔係一種紙。